Babad Tlatah Pujon ( Bagian XI )

Edisi                                                    : Boso Djowo
Kaimpoen Dening                            : R . Dinoe Tanojo
Dipoen Terjemahaken Kalijan      : Sang Kawi
Petikan Naskah Serat Moedjiling kanti hurup pegon.

Kalijan hanebat asmanipun gusti kang saklangkun welas tuwin moho asih.

Sun amedhar surasaning ati, kekempalanipun sedojo raos, pan kinarya areruri, aneng kitha Mendho duk kardi tan ana kaeksi, nging sihing Hyang manon. 

• Mapan manteb karsaning galih, ampun ngantos tingkah kadudon, pan mengkana ing tyas pangajape, kaya paran solah ingsun iki, yen luputo mugi, apura sang hyang mirah. 

• doto soro pan wus nglampahi ingsun, nging panuwun ingong, ingkang kari lan kang dhingin kabeh, kaluwarga kang ngestokken yekti, mring rereyonganipun poro leluhur, oleha pitulung. 

• Maring hyang robil alamin, hamemuji sembah nuwun katur, Muga padha oleh iman suci, padene wakingong, muga Allah ngapuraha mengko, lawan rejeki drajad kang agung, tingka ingsun dhingin, mapan keh kang kudu. Nguladi ngupadi iyo angreruri. 

• datan wonten malih ing liyane, mugi mupangati anruso sawab berkah, nuwun sun ing gusti dumadi, ingkang asih ngapunten ing dasih, pangesthining ati, tan mring liyanipun, bisoo sinembadan rut sak nak putuning wong, pikantuk basuki rahayu widodo, begdjo muljo mukti wibowo. 

Serat bhabad deso, sëdya ning ngreruri 

Jlantraning cinarito,tutur tinularipun pro asepuh

je ka ta Sang Wiratomo,rahadyan djojo wikromo,

panjenenganiro pun srëdda,ing kapti den ngertenono putro wayah ing tembë,

tan pedhot anggonyo niti kikmah ngaluhur.

rut pro mitro sentono,pandego lir wirobolo .

narpati senopati,sami cunduk cadong asor

tan ngunuo tekane praloyo,pringkel penciling walandi mulo

keh siji mboko siji pan samyo,luruh lumuh tumpul temungul king bebono

Baja wus karsa ning hjang widi ,den djojo kocapo .

këdah kacarut kabondo lulut ,mapan karsaneki

karëm marang palipuke walandhi, satemah dadya sulojo ipun

wusono wikromo dipun keclap doh bongso, dadya surut kocar kaciring prowadyo, mung garëbëg punika kang mësti ana.

Suprandene këdah mëksa,ngalap bebono agëng niko .

saking setyo bektinipun datëng kautaman ,tanapi datëng nagari

nanging ing tyas pribadi,mung agami pangaggemipun

mangkana den djojo prasetyane,langkung duk kang anetepi

ibadah sabil belo bongsogung kawulo

.

Miwah wawangunane, sadaja apan wus salin aran .

angliwar pangambete mengsah,nenggihingkang alalano nenggih

ki arum mestani ,tilas prawirotomo

Pangran Diponagri ,ingkang setyo mukti 

nrus ing belo pati bumi pertiwi

Mangkubhumi nenggih djoko digdo, ronjoyo, marto sudjono, hardiman, subakir, wastu ghonaim, kiaji ahmad besari turut .santrinyo, karto dirdjo miwah singo kromo sawadyo bolo sami kawulo mantri pro abdi dyah putrid dnoro emban lan dayang sakatahing sami lumaku rut gegandengan rerentengan saklaku sapanudju.

Praptaniro tekan dusun kaprabon, pinarak kiyai sepuh segalor, apan tedak trunodjoyo nenggih, wauto sedali aneng pesanteren, nunggal nyantri nunggal ngaji, setengah sasi jangkepe, nulyo pamit nrus ing laku, panuju saweg ing banjaran nitah sang wirotomo mring nom noman karto dirdjo putro eyang kromo singa semanten hardiman nenggih.

Munggahoning puncak umpak,apan dadyo koco brenggolo, angutuso duto ing mbang wetan, lamun aneng seliwere bregodo walandi nusul sewanci, Iku gedhe wigatene, ojo gelo rumongso, apan sun anti iro, ing paan kang siro wus nemoake, jenenge wong.

Djeng mangku bhumi arsi nyempal lampah, milah karahayon, tembang sentul geguritane, ndeder bendhe gongso kasatrian, kersaneki nlusuh aran papan sak kidul kawi, kaderekaken sang adhi sujono dalah djoyo dikdo puniku.

Seje dalan siji panuju, gebyar kamardikan, wusmaron anenggih wadyotami, nulyosang wiro liris ngaler ngetan jangkanyo tut sami, Wauto to ing margi kudonjo mangli, ngunjuk pakan ing telising kali brantas, sawusyo sang prawiro bali anggenangsri, nrus lajuh ngambah ngidul ngitan sangkanjo.sojo manengah milah tepsiring selo brodjo.

Luruh ing guo gentong pager wodjo, katur budjono sawadyo, mjang pawongan pawestri, mbok rondho , nyi kutilo kuning kulitane aneng dukuh alit sadeng, Saweg sami bujono sekpe, aris paring kondo mangler tan aneng margi among mangetan kadosto katelo den, mangetan nrus ing lampahsakwusjo pamit, mudun menggah djurang wonolopo.

Tan aneng paran pangan tedho, lungkrahing rogo sayah, mayangsri mratekake among aneng woh bendo, kumricike banyu sari, tan aneng sato wono, wayahyo wus arep wengi, apan samyo ngasoh sariro ing wono.

Rahinane denmas mikir, anengendi denyo nursing laku, mangering kedung redjo, manganan alas dribojo, lerek lerek lampahipun, kawasto aneng redi den wiro ngakah semboyan, mrih mati rogo mertopo aneng sak ungkureng gunung, mrih pikantuke pitedah sanjoto.

nadyan ëwuhoyo kalakonja,madepmantep ingkang denlampahi .

mangkana tjiptaning drija, ing sijang kalawan ratri

sapira neng dunjeki, dadya marëm ing tyasipun,maring pangajap den upadi, nenuwun gegëmbolani,muji lestari mring hjang kawoso.

Jen kala engët tyasira,marang wëkasan dumadi,nul ja kesah alalana, adjadjah sagung ing. doko tun wono,apan nunggal lan kawulo

kang katah-katah puniku, langkung amati raga,angagëm kang sarwa samar, marmanira awis kang djanma uninga.

. Lamun iku kadënangan, dumatëng mengsahing wirotomo .

djoyowikromo nul ja kesah, namung kang denkarëmëni

tunggal lan kawulo alit, lan kang samja nistanipun

lamun neng pamandëkan sawadyo, marmanipun ngalih-ngalih

jen wus tutug denyo kaptinuli ngalihmring wana.

Gunung djurang parang guwa, trëkadang urut wono driboyo 

tut ing lampahnyo semono, Raden ronjoyo kiyai gunamin, Gatot sempuno mayang sri, rahadyan wuryani karsinah ,nyi condrowati, saelah,siti reso , boten kantuno raden ayu sodipah karto hasmoro,raden mangku,singokromo Gung pro abdi kinasih, Santri wiro tami lir kawulo broyo

kiniringan lampahnyo, Mendak ndlasah mundak ndlajah Datan paran rut margo rut wono

aneng Sor argo panudju, den djoyo rono punika, lënggah neng gegilang selo dawuhan, saënggile ili banju urib, lingsir dalu tjoba ning Hjang nulja prapta.

Kalangkung awarna-warna, tjoba ingkang andatëngi,den djoyo samana, wus tan darbe tingal kalih,namung marang Hjang Widdi

tjoba wus musna sadarum, nulja ana kang prapta, djumënëng ngarsanireki, djanma prija tjahjanja sa wang purnama.

Awasta rsi mintono , aken dang rono wongo putro, sajëk pindho Sunan Kali den djojo samana, tjëngëng denira ningali, nulja paring dawuh aris eh jibeng sireki, wus pinasti Hjang Suksma, lamun sira iku bendjing, dadi noto projo Ngedang-edang nuli musna sang wismoyo.

Samusnanja Sang Pandita, pungun-pungun sang wikromo, kalangkung gëgëtunira, dene tan ngantos ngabëkti,endjing nulja lumaris, lampahnja andjudjur ilineng tuyo, tan ngetang pringga baja, sarira wus tan katolih, kang kaesti amung sihira Hjang Suksma.

Nusup-nusup lampahira, mudun djurang ndlasah kwo, tan ana ingkang sinëdya, langkung wujung ing tyasneki, lamun sajah lumaris.